د بنزین پر ځای د ال پی جی او سی ان جی غازونو کارول او په چاپیریال د هغوې اغیزی
Keywords:
کپسول, Automobile, فشار, هوا ککړتيا, کيفيت, CNG, LPGAbstract
لنډيز
څرنگه چې نن ورځ د چاپيريال ساتنې موضوع په نړيواله کچه يوه ارزښتناکه او بنسټيزه موضوع ده او هر کال د نړۍ د هيوادونو د پانګونې ډيره برخه همدې موضوع ته ځانگړی کيږي.
طبيعی ده چې د نفتی محصولاتو څخه گټه اخيستنه زموږ د ژوند په چاپيريال زياته اغيزه لری له همدې امله د نفتی محصولاتو له جملې بايد د سون هغه ماده وټاکل شې چی په اقتصادی، تخنيکې او چاپيريال ساتنې له اړخه ګټوره وي، په همدې موخه په دغه مقاله کې د بنزين پر ځای د اوبلن نفتی غاز(LPG)او CNG غازونو کارول او په چاپيريال د هغوې اغيزی تر څيړنې لاندي نيول شوی دی.
اوبلن نفتی غاز(LPG) Liquefied Petroleum Gas د پروپان یا بوتان په نوم هم ياديږی دواړه هايدروکاربنې ګازونه د سون وړ دي چې د سون مادی په توګه په پخلنځې او نقليه وسايلو د سون مادی په توګه په کار وړل کيږی.
واضح ده چې د LPG او CNG غازات د بنزين په پرتله سپک دی او په سپکو موټرونو (Automobiles) کې د نوموړو غازونو کارول له يوه پلوه ارزان او اقتصادی لوئيږی او له بله پلوه د LPG غازات په موتور کې په بشپړه توگه سوځي چې د چاپيريال ساتنې لپاره ډير زيات ارزښت لری. لوړ کيفيت غازونو کارول د چاپيريال ساتنې تر څنګ د هيواد د انرژی د تامين مهمه سرچينه گڼل کيږی.